සැඟව ඇති යමක්

සැඟව ඇති යමක් සෙවීමට 
කාලය මිඩංගු නොකළ යුතුය 
මක් නිසාද එය කාලයාගේ 
උප්පරවැට්ටියකි.. 

ඔබ එය තේරුම් ගෙන 
අහසේ වලාකුළු දෙස බලා  
සුළඟේ පහස විදිය යුතුය.

එවිට,  
මොහොතකට කාලය පසු බසින අතර 
සෙවීම අත්හල දෙය  
ඔබට පෙනී නොපෙනී යනු ඇත
දැනී නොදැනී යනු ඇත.. 
ඉන් අනතුරුව කාලයාගේ 
උප්පරවැට්ටිය සතුටින් 
භුක්ති විඳිය හැක..

සැබෑවටම ඔබට.. 
එක්වරක් පමණක් 
සත්‍ය මුණගැසෙන අතර 
එය සදහටම බොරුව සමඟ 
ජිවත්වන රහස උගන්වා 
අතුරුදන්ව යයි.


Bhikkhu Dhamma Dhara
#ddhara #spiritual