රැවටීම

 

පහසුවෙන් රැවටීමට මිස 
පහසුවෙන් තේරුම්ගැනීමට නොහැකි ලෙස
නිර්මාණය වූ මේ ලෝකය තුළ 
යමෙක් සුපිරිසිදු වූ යමක් 
සොයන්නේද ඔහුට දුශ්කර වූ ඉරණමකට 
මුහුණ දීමට සිදුවනු ඇත.

සෑම තැනකම සුපිරිසිදු ලෙස නොව
මිශ්‍ර වීමක් ඔබට දකින්නට සහ අසන්නට හැකිය. 
සුපිරිසිදු ඇසීමකට හඬක් නොපවතින අතර
සුපිරිසිදු දැකීමකට රූපයක් පෙන්විය නොහැකිය. 
සෑම තැනකම ඔබ දකිනුයේ සහ අසනුයේ
අපිරිසිදු බවයි. 

ලෝකය මිශ්‍ර වීමක ප්‍රතිඵලයකි.
ඔබ දකින මිරිඟුව ද එවැනිය..
ඉන් ඔබ්බට ඔබට ගමන් කිරීමට අවැසිනම්
සුපිරිසිදු බව නොව අපිරිසිදු වීම 
පිළිබඳ ගවේෂණය ආරම්භ කරන්න.. 

පිරිසිදු ලෙසින් ඔබ 
දකින අසන විඳින සෑම දෙයක්ම
අපිරිසිදු වග මතක තබා ගන්න,
එලෙසම සැබෑ පාරිශුද්ධත්වය
සඳහා ඉඟිය 
ඒ තුළම සඟවා ඇති බැවින් 
එය ප්‍රතික්ශේපද නොකරන්න..

Bhikkhu Dhamma Dhara 

#ddhara #spiritual