කාලයට පාටක් නෑ

 

කාලයට පාටක් නෑ 
කාලයට දිගක් පළලක් නෑ 
කාලයට හිතක් පපුවක් නෑ 
කාලයට අරමුණක් නෑ 

මොකක් හරි වුණාම 
දරාගන්නම බැරිව, 
හැමෝටම කියල,
හැමෝගෙන්ම අහල,
දෙවියන්ටත් කියල, 
අන්තිමේදී කාලයට භාරදෙනවා 

කාලය අපෙන් දේවල් 
අමතක කරනවා වගේම 
අපට දේවල් මතක් කරලත් දෙනවා 

කාලය කියන්නේ මායාවක් 
ඒ වගේම මයා කාරයෙක් 
එයාගේ මායවට අහුවුණ මිනිසුන් 
එයා ඉදිරියේම යම් දවසක 
පාපොච්චාරණය කරනවා,
කාලය විසින්ම ඒවාට 
දඬුවම් නියම කරනවා 

ඔබ නොදැනුවත්වම  
මායාකරු ඔබ පසුපසමයි, 
දඬුවමින් නිදහස් වීම සඳහා 
ඔහුගෙන් මිදී යනවා වෙනුවට 
ඔහු දෙසට යන්න පටන්ගන්න 
ඔහුව සාදරයෙන් පිළිගන්න.
ඔහුව අතික්‍රමණය කිරීම නම් 
ඔහුව පිළිගැනීමයි..

කාලය අපි කාගේත් මිතුරෙක් 
හොඳ කාල , නරක කාල 
ජීවිතේට ආවම ගොඩක් අයට 
මතක් වෙන්නේ වෙන වෙන කාලවල්,
ටික වෙලාවකට කාලෙන් රිංගන්න
පුළුවන් වුණාට,
ජීවිත කාලයටම 
ඒක උත්තරයක් නෙමෙයි..


Bhikkhu Dhamma Dhara